სამოსამართლო აქტივიზმი და ადამიანის უფლებათა ევროპული კონვენციის გავლენა საქართველოს სასამართლო პრაქტიკაზე

ანოტაცია

სტატიაში განიხილება, როგორ შეუძლია ადამიანის უფლებათა ევროპულ სტანდარტებს ხელი შეუწყოს საქართველოში ადამიანის უფლებათა დაცვის ხარისხის გაუმჯობესებას და რა როლის შესრულება შეუძლია სამოსამართლო აქტივიზმს ადამიანის უფლებათა დაცვის უზრუნველყოფისათვის. ეს საკითხები გაანალიზებულია საქართველოს საერთო სასამართლოების პრაქტიკის საფუძველზე.

სტატიის პირველ ნაწილში განიხილება, რა გავლენის მოხდენა შეუძლია ადამიანის უფლებათა ევროპულ კონვენციას საქართველოში ადამიანის უფლებათა ევროპული სტანდარტებით დაცვაზე. მეორე ნაწილში განიხილება, როგორი პრაქტიკა არსებობს საქართველოში სამოსამართლო აქტივიზმისა და თვითშეზღუდვის თვალსაზრისით, ადამიანის უფლებათა დაცვის სფეროში.